Romana Ganzoni

Nada suna a Scuol in avrigl da l’on 1967 sco figlia d’üna mamma da Zizers ed ün bap dal Partens, tuots duos cun üna ferma identità dal Grischun tudais-ch e duos dialects differents fich sviluppats e richs. La mamma faiva rimas sco ch’ella cuschinaiva, i d’eira üna roba chi s’inclegia da sai, il bap invezza: ün grond raquintader gualser.

Prosa e lirica da minchadi d’eiran omnispreschaintas. Lönch nu’m rendaiva quint cha quai nun es per tuots il punct da partenza in üna vita cun bleras linguas e creaziun litterara, ma eir per la vita sco part d’üna minorità. 

A scriver (per rumantsch vallader) n’haja imprais pro meis prüm magister. Ün pêr ons plü tard es gnü pro il „bun“ tudais-ch e la litteratura classica tudais-cha, tras la marrida eir amo il puter.

Eu n’ha cumanzà a publichar texts litterars pür cun 46 ons. L’on 2017 es cumparü meis prüm cudesch in tudais-ch: Granada Grischun, Rotpunktverlag, Turich. Poesias rumantschas as chatta i’l Chalender ladin dal 2016 e 2017 e pro’l Radio rumantsch.

Per il mentorat: lirica e prosa per vallader e puter.

Foto: Yvonne Bollhalder
Foto: Yvonne Bollhalder