Flurina Badel

Flurina Badel (*1983 a Lavin) viva a Guarda. Davo üna prüma scolaziun da schurnalissem e communicaziun publica, ha ella lavurà tanter oter sco moderatura e cineasta libra. Dal 2015 ha Flurina Badel absolt il Master of Fine Arts a l’institut d’art da la HGK FHNW a Basilea e dal 2017/2018 es ella statta studenta ospitanta a l’institut per art litterara da l’Università d’art applichada a Vienna. Daspö il 2014 es sia professiun principala la lavur artistica i’l duo Badel/Sarbach cun exposiziuns sün tuot il muond (badelsarbach.com) Implü es Flurina Badel la redactura respunsabla per l’emischiun „Impuls“ da Radiotelevisiun Svizra Rumantscha ed ella es co-curatura dal program litterar da LitteraturA Nairs. Flurina Badel publichescha da temp in temp eir agens texts litterars, ch’ella scriva biling, vallader e tudais-ch. Dal 2018 ha ella survgni il premi OpenNet dals Dis da litteratura a Soloturn.

Foto: Jérémie Sarbach
Foto: Jérémie Sarbach